“ეს ბიჭები არაერთ გამარჯვებას გვაჩუქებენ” – იოსებ ტყემალაძე

“ჯერ რუბინში გამოიჩინოს თავი და რამე მოიგოს” – კარადენიზი
ოქტომბერი 11, 2021
შოთა არველაძე: “უნდა შეძლოთ, თქვენზე ბევრი რამაა დამოკიდებული!”
ოქტომბერი 11, 2021

საქართველოს რაგბის კავშირის პრეზიდენტმა იოსებ ტყემალაძემ, 18-წლამდელთა ნაკრებს ევროპის ჩემპიონობა მიულოცა და მონიჭებული სიხარულისთვის, თითოეულ მათგანს, აღმზრდელ კლუბებს და ოჯახებს მადლობა გადაუხადა.

კალინინგრადში გამართულ ტურნირზე საქართველომ მეოთხედფინალში ჩეხეთი 76:0 დაამარცხა, ნახევარფინალში ბელგიას 37:3 სძლია, ხოლო ფინალში პორტუგალიას 27:0 და თასი ზედიზედ მესამედ შემართა.

„მინდა მივესალმო ჩვანს მომავალ თაობას და თითოეულ მათგანს მადლობა გადავუხადო თავდადებისთვის, თამაშით და ევროპის ჩემპიონის ტიტულის მოპოვებით მონიჭებული სიხარულისთვის. ეს ბიჭები არიან ქართული რაგბის მომავალი და დარწმუნებული ვარ, ისინი ჩვენს ქვეყანას არაერთ გამარჯვებას აჩუქებენ“.

„სამი თამაშის მოგება და თანაც ლელოს მიუღებლად, ნიშნავს იმას, რომ ამ ბიჭებს კარგად აქვთ გათვითცნობიერებული საკუთარი როლი, კარგად იცავენ ჩვენს ქვეყანას და დაიცავენ მომავალშიც. მათ დაიმსახურეს უფრო მაღალ დონეზე თამაში და ამის შესაძლებლობა სულ მალე ექნებათ“.

„კიდევ ერთხელ მადლობა სამწვრთნელო შტაბს, თითოეულ მოთამაშეს, მათ აღმზრდელ კლუბებს და ოჯახებს – ყველას, ვინც ამ წარმატებაში საკუთარი წვლილი შეიტანა“ – განაცხადა ტყემალაძემ.

 

rugby.ge