“ურთულესი ჯგუფია, მაგრამ ყველასთან ბოლომდე ვიბრძოლებთ” – ბითაძე

ეროვნული ლიგა 2: გაგრა ერთპიროვნულად გალიდერდა
სექტემბერი 28, 2021 15:52
სფფ-მ სპორტის უნივერსიტეტთან ურთიერთანამშრომლობის მემორანდუმი გააფორმა
სექტემბერი 28, 2021 18:21

საქართველოს ჩემპიონი თბილისის “დინამო” წყალბურთის ჩემპიონთა ლიგაზე ზედიზედ მესამედ იასპარეზებს. ქართული კლუბი ურთულეს ჯგუფში მოხვდა.

წილისყრის შედეგებსა და მომავალ ტურნირზე თბილისის “დინამოს” მიზნებზე გუნდის ერთ-ერთმა ლიდერმა ანდრია ბითაძემ Qomagebi.ge-სთან ისაუბრა.

     წინა წლებთან შედარებით ურთულეს ჯგუფში მოვხვდით. პირადად ჩემთვის, ცოტა გაუგებერია ჯგუფების ასეთი გადანაწილება. პლეი-ოფში ჯგუფის 4 საუკეთესო გუნდი გადის, მაგრამ ამ 4 ადგილისთვის ძალიან მძიმე ბრძოლები იქნება. ვინ ვისთან დაკარგავს ქულებს რთული სათქმელია.

ურთულესი იქნება, მაგრამ უშანსოდ არ ვართ. მეორეს მხრივ, ჩვენი გუნდისთვის ასეთ გუნდებთან თამაში ძალიან დიდი გამოცდილება იქნება”, – გვითხრა ბითაძემ.

ჯგუფში “დინამოს” მეტოქეები: “ფერენცვაროში”, “ბარსელონეტა”, “ოლიმპიაკოსი”, “რადნიჩკი”, “ნოვი ბელგრადი” იქნებიან. კიდევ ორ გუნდს საკვალიფიკაციო ეტაპი გაარკვევს.

Share