17 წლის ნათია გადელია მსოფლიო ჩემპიონია

“სანიოლს ჰკითხეთ – არ მესმის, შანსი რატომ არ მეძლევა” – ინტერვიუ ლევან კუტალიასთან
ოქტომბერი 11, 2021 12:44
ვილი სანიოლი – კოსოვოსთან წაგებით გაწბილებულნი დავრჩით
ოქტომბერი 11, 2021 16:40

17 წლის ქართველი ძალოსანი ნათია გადელია (81 კგ.) საუდის არაბეთის ქალაქ ჯედაში მიმდინარე იუნიორთა მსოფლიოს ჩემპიონატის გამარჯვებული გახდა.

გადელიამ მთავარი მწვრთნელის თემურ ჯანჯღავას მითითებები ზუსტად შეასრულა, 6-ვე ცდა გამოიყენა (ამგვარი შედეგი მხოლოდ მას ჰქონდა) და უახლოეს კონკურენტს 3 კგ-ით გაასწრო.

ნათიამ ატაცში 91 კგ. დააფიქსირა (მცირე ვერცხლი), აკვრაში – 117 კგ. (მცირე ოქრო) და ჯამში თავი 208 კგ-ს მოუყარა და ორჭიდის ჯამში მსოფლიო ჩემპიონი გახდა. აღსანიშნავია, რომ გადელიამ ატაცსა და ორჭიდში საქართველოს რეკორდები 4-4 კილოგრამით გააუმჯობესა.

ძალოსანმა უკან მოიტოვა უმთავრესი კონკურენტი – ირანელი ჯამალი გალე (205 კგ.), ბრინჯაოს მედალი კი რუსმა დარია მეშჩერიაკოვამ (201 კგ.) დაისაკუთრა.

შეგახსენებთ, რომ საქართველოს ნაკრები ტურნირზე მხოლოდ 3 ძალოსნით იყო წარდგენილი და კვარცხლბეკზე ასვლა სამივე მათგანმა მოახერხა. გასულ დღეებში ვერცხლის მედლები მოიპოვეს ნიკოლოზ ესართიამ (73 კგ.) და გურამ ვეკუამ (96 კგ.).

Share