ხელბურთი – ნაკრები მსოფლიოს შესარჩევისთვის მზადებას იწყებს

▶️VIDEO სტრაჰინია პავიშიჩის ლამაზი გოლი ლოკომოტივის წინააღმდეგ
ნოემბერი 2, 2021 09:34
VIDEO ლერი აბულაძის ეფექტური ილეთი 23 წლამდელ მოჭიდავეთა მსოფლიო ჩემპიონატის ფინალში
ნოემბერი 2, 2021 12:03

საქართველოს ეროვნული ნაკრები 2023 წლის მსოფლიო ჩემპიონატის პირველი საკვალიფიკაციო ეტაპისთვის მზადებას იწყებს: 30 ოქტომბერს გუნდი რუმინეთის დედაქალაქ ბუქარესტში შეიკრიბა, სადაც სავარჯიშო პროცესი გაიარა და დღეს რუმინეთის ნაკრებს ამხანაგურ მატჩში შეხვდება.

რუმინული შეკრების შემდეგ ჩვენი ნაკრები ფინეთს ეწვევა, სადაც მსოფლიო ჩემპიონატის შესარჩევი ეტაპის მე-2 ჯგუფის მატჩები უნდა ჩატარდეს. ჩვენი მეტოქეები იქნებიან: დიდი ბრიტანეთი (5 ნოემბერი), ფინეთი (6 ნოემბერი) და ესტონეთი (7 ნოემბერი). ჯგუფში ორი საუკეთესო გუნდი მსოფლიო ჩემპიონატის მეორე საკვალიფიკაციო ეტაპზე გადაინაცვლებს.

საქართველოს ნაკრების მთავარმა მწვრთნელმა, სანდუ ფლორინ იაკობმა შეკრებაზე 16 ხელბურთელს უხმო. აღსანიშანავია, რომ ტრავმის გამო ნაკრებს ლიდერი გიორგი ცხოვრებაძე დააკლდება, თუმცა ბოლო ტურნირის შემდეგ გუნდს დაუბრუნდნენ ნიკოლოზ კალანდაძე და რატი მსხვილიძე.

საქართველოს ნაკრების შემადგენლობა ასე გამოიყურება:

გიგა ტორონჯაძე (ბსბ), ზურაბ ცინცაძე („პრილეპი“ ჩრდ. მაკედონია)ხაზეინ რუსტამოვი, რევაზ ჭანტურია, მირიან გავაშელიშვილი (სამივე „პრილეპი“ ჩრდ. მაკედონია), გიორგი დიხამინჯია („ლიუბენაუ“ გერმანია), რატი მსხვილიძე („ტრაბზონი“ თურქეთი), ერეკლე არსენაშვილი („სპორტინგი“ პორტუგალია), ირაკლი ჩიქოვანი („კონსტანცა“ რუმინეთი), თეიმურაზ ორჯონიკიძე („ბაკაუ“ რუმინეთი), ნიკოლოზ კალანდაძე („შამბერი“ საფრანგეთი), ირაკლი კბილაშვილი („სუჩავა“ რუმინეთი), ზურაბ აბრამიშვილი, ირაკლი გოგოლაძე , უჩა მაისურაძე (სამივე „ბსბ“), ზურაბ სიმონია („ქუთაისი“)

C – საქართველოს ხელბურთის ფედერაცია
Share