პირველი ტრანსფერი – გორის “დილამ” მაქაცარია დაიმატა

ეროვნული ლიგა 2-ს 2021 წლის სეზონის თანაბომბარდირი თამაზ მაქაცარია კარიერას გორის „დილაში“ გააგრძელებს.

ამ ინფორმაციას შიდაქართლული გუნდის ოფიციალური ვებ-გვერდი ადასტურებს. კლუბს და ფეხბურთელს შორის 2-წლიანი ხელშეკრულება გაფორმდა.

მაქაცარიამ გასული სეზონი ეროვნულ ლიგა 1-ში აღზევებულ გაგრაში გაატარა, რომელიც  წინა წელს ლიგა 2 ში ასპარეზობდა. მაქაცარიამ გაგრას რიგებში 23 გოლის გატანა მოახერხა და შეიკნე სილასთან ერთად გათამაშების თანაბომბარდირი გახდა.

მაქაცარია სხვადასხვა დროს: “ცხინვალის”, ბათუმის “დინამოს”, “სამტრედიას”, ბოლნისის “სიონის”, და “ვიტ ჯორჯიას” მაისურსაც ირგებდა.