უკრაინის პრემიერლიგის გუნდი “საბურთალოს” ნახევარმცველით ინტერესდება

უკრაინული გამოცემის sportanalytic.com-ის ცნობით, უკრაინული “ლვოვი” თბილისის “საბურთალოს” მოლდოველი ნახევარმცველის დმიტრი მანდრიჩენკოს ტრანსფერით ინტერესდება.

24 წლის შემტევი საბურთალომ სეზონის წინ დაიმატა და ის წელს თბილისელთა ერთ-ერთ ლიდერადაც იქცა.

მოლდოველმა ნახევარმცველმა ჩემპიონატის 33 შეხვედრაში მიიღო მონაწილეობა, თავი კი 9 გოლით და ორი საგოლე გადაცემით გამოიჩინა.

მოლდოველი ნახევარმცველი სხვადასხვა დროს: “შერიფის”, “ვორსკლას” და კიევის “დინამოს” ახალგაზრდულ გუნდში გამოდიოდა. ის ასევე, “დინამო-ავტო”, “სპიკულის” და “სფ.ჯორჯი” მაისურს ირგებდა

შეგახსენებთ, რომ წელს მანდრიჩენკომ საბურთალოსთან ერთად საქართველოს დავით ყიფიანის სახელობის თასი მოიგო.