ორი ამხანაგური მატჩიც – საქართველოს ნაკრები ევროპის ჩემპიონატისთვის ემზადება

“ტობოლი დავტოვე” – სად გააგრძელებს კარიერას ლობჯანიძე
იანვარი 11, 2022 19:28
Transfermarkt – ოქრიაშვილის, ლორიას და კვიპროსში მოთამაშე ქართველების ფასები
იანვარი 11, 2022 23:47

საქართველოს ფუტსალის ეროვნული ნაკრები 2022 წლის ევროპის ჩემპიონატისთვის მზადების ფარგლებში ბოლო ამხანაგურ მატჩებს თბილისში გამართავს. ავთანდილ ასათიანის გუნდი ტაჯიკეთის ეროვნულ ნაკრებთან ორ მატჩს თბილისის სპორტის სასახლეში ჩაატარებს. საქართველოს ნაკრებმა საწვრთნელი შეკრება 11 იანვარს დაიწყო. ამხანაგური მატჩები 15 და 16 იანვარს შედგება.

ქვეყანაში არსებული კოვიდრეგულაციების გათვალისწინებით თამაშებზე დარბაზის ტევადობის 33 პროცენტის შესაბამისი გულშემატკივართა რაოდენობა დაიშვება. მატჩებზე დასწრების მსურველებმა უნდა წარმოადგინონ პირადობის დამადასტურებელი მოწმობა, ვაქცინაციის დამადასტურებელი დოკუმენტი, ან 72 საათიანი ვალიდურობის Pჩღ ტესტი, ან 24 საათიანი ვალიდურობის ანტიგენ ტესტის უარყოფითი პასუხი, ან კორონავირუსის გადატანის დამადასტურებელი ცნობა. დასწრება თავისუფალია.

საქართველოს ფუტსალის ნაკრების შემადგენლობა:
მეკარეები: ზვიად კუპატაძე (გაზპრომ იუგრა, რუსეთი), ალექსანდრე ჯამბურია (თელასი, თბილისი, საქართველო), თორნიკე ბუკია (კემი, ფინეთი)

წინა ხაზი: შაგინია (პალმა, მალიორკა, ესპანეთი), ელისანდრო (ბრაგა, პორტუგალია), ბრუნო პეტრი ბრანკო (ხაენი, ესპანეთი), თალეს ფეიტოსა (კანდოსო, პორტუგალია), რონინიო (ჰალე-გოოიკი, ბელგია), ვილიანი (გაზპრომ იუგრა, რუსეთი), ირაკლი თოდუა (თელასი, თბილისი, საქართველო), შოთა თოფურია (თელასი, თბილისი, საქართველო), არჩილ სებისკვერაძე (გომელი, ბელარუსი), ნიკოლოზ კურტანიძე (პსპ, თბილისი, საქართველო), გიორგი ღავთაძე (სიბირიაკი, რუსეთი), ვახტანგ ჯვარაშვილი (თელასი,თბილისი,საქართველო), ნუკრი ჭუმბურიძე (თელასი,თბილისი,საქართველო), ვახტანგ კეკელია (სიპარი, ტაჯიკეთი)

15-16 იანვარი | 18:00 | თბილისის სპორტის სასახლე

საქართველო – ტაჯიკეთი

19 იანვარს საქართველოს ნაკრები ნიდერლანდებში გაემგზავრება და ევროპის ჩემპიონატისთვის მზადებას ადგილზე გააგრძელებს. ჯგუფურ ეტაპზე ავთანდილ ასათიანის გუნდი აზერბაიჯანს, ბოსნია-ჰერცეგოვინას და ესპანეთს დაუპირისპირდება. მატჩები 22, 26 და 29 იანვარსაა დაგეგმილი.

წყარო: nakrebi.ge

Share